prep.ge

დიდოსტატის მარჯვენა — თავი XXXI — შინაარსი და გამარტივებული ტექსტი

კონსტანტინე გამსახურდია · თავი XXXI

ნაწილები
  1. შესავალი
  2. თავი I
  3. თავი II
  4. თავი III
  5. თავი IV
  6. თავი V
  7. თავი VI
  8. თავი VII
  9. თავი VIII
  10. თავი IX
  11. თავი X
  12. თავი XI
  13. თავი XII
  14. თავი XIII
  15. თავი XIV
  16. თავი XV
  17. თავი XVI
  18. თავი XVII
  19. თავი XVIII
  20. თავი XIX
  21. თავი XX
  22. თავი XXI
  23. თავი XXII
  24. თავი XXIII
  25. თავი XXIV
  26. თავი XXV
  27. თავი XXVI
  28. თავი XXVII
  29. თავი XXVIII
  30. თავი XXIX
  31. თავი XXX
  32. თავი XXXI
  33. თავი XXXII
  34. თავი XXXIII
  35. თავი XXXIV
  36. თავი XXXV
  37. თავი XXXVI
  38. თავი XXXVII
  39. თავი XXXVIII
  40. თავი XXXIX
  41. თავი XL
  42. თავი XLI
  43. თავი XLII
  44. თავი XLIII
  45. თავი XLIV
  46. თავი XLV
  47. თავი XLVI
  48. თავი XLVII
  49. თავი XLVIII
  50. თავი XLIX
  51. თავი L
  52. თავი LI
  53. თავი LII
  54. თავი LIII
  55. თავი LIV
  56. თავი LV
  57. თავი LVI
  58. თავი LVII
  59. თავი LVIII
  60. თავი LIX
  61. თავი LX
  62. თავი LXI

გამარტივებული სასწავლო ვერსია, AI-ის დახმარებით. გამოცდისთვის ორიგინალიც წაიკითხე.

თავი XXXI

განმგეთუხუცესი (მთავარი მმართველი) უხეში კაცი აღმოჩნდა. უკმეხად (უხეშად, მკაცრად) მიიღო მეფის ხუროთმოძღვარი (მშენებელი).

კურდღლის ტყავის მოკლე ქურთუკი ეცვა, ზანტად (ნელა) აფახულებდა ლოპინარისფერ (მოყვითალო-მოწითალო) თვალებს. უზარმაზარ სელზე (ტახტზე) იჯდა სახედაჭმუჭვნილი, უკბილო ბერიკაცი.

ეჭვით შესცქეროდა არსაკიძეს თავისი დაფანჩვული (გაწეწილი), თეთრი წარბებიდან.

ქუშამომჯდარ (გაბრაზებულ) ცხენსავით ქშინავდა, უსიტყვოდ უსმენდა არსაკიძეს. როცა ლაზმა მოხსენება დაასრულა, თავი ასწია ბერიკაცმა, მკლავი ყბაზე შემოიდო და უგუნებოდ (ცუდ ხასიათზე მყოფმა) შეეკითხა ხუროთმოძღვარს:

„ოსპის წვენის გამო წაკიდებულან (დაპირისპირებულან) ლაზები და ბერძნები?“

„დიახო“, დაუდასტურა არსაკიძემ იმ იმედით, რომ მონებს საზრდოს (საჭმელს) გამოუცვლიდნენ.

„ალბათ გემრიელი ყოფილა ოსპის წვენი, არა?“

ეს თქვა, ულოსავით (ნამგალივით) დაგრეხილ, თეთრ ულვაშზე ჩამოისვა პეშვი (მუჭა), მერე დაასწრო სტუმარს, სელიდან წამოდგა და გესლიანი (ბოროტი) ღიმილით ეუბნება:

„ეს იცოდე, ჭაბუკო, მაძღარი (ნასიამოვნები, დანაყრებული) მონები ვერაფერს შექმნიან კარგს. ეს ციხეები, ეს ეკლესიები და ეს სასახლეები მშიერების მიერაა აგებული.“

სახეში შეაჩერდა არსაკიძეს და ეკითხება:

„შენ ლაზი ხარ, ხომ?“

„თუ ლაზი ხარ, ეგეც გეცოდინება, ჭაბუკო, სადოღე ცხენი თუ გააძღე, რბოლაში სხვა მიასწრებს უცილოდ (აუცილებლად), მწევარი (მონადირე ძაღლი) თუ გააძღე, კურდღელს ვერ მიეწევა, მგელი, რომ მგელია, მგელი რომ მშიერი არ დაძრწოდეს (არ დადიოდეს), მაკე (ფეხმძიმე) ცხვარიც გაასწრებდა უთუოდ (აუცილებლად).

ხალხი თუ გაძღა, ჭაბუკო, ეს იცოდე, ლოცვასაც მიატოვებს და შრომასაც, მაშინ აღარც ციხეები გვექნება და აღარც ეკლესიები“...

„ჰი, ჰი, ჰი“, - ჩაიხვიხვინა ბერიკაცმა, ორი ნადირისებრი ღოჯი (ეშვი) გამოუჩნდა.

იდგა მის წინაშე არსაკიძე მდუმარედ, წასვლა ეჩქარებოდა, მაგრამ ვერ გაბედა ნაბიჯის გადადგმა. ახლა ღირკილოებზე (მუხლებზე) წაეპოტინა (ხელი მოკიდა) განმგეთუხუცესი.

„შენ ქრისტიანი ხარ, ხომ?“

„ქრისტიანი ვარო“, ეგეც დაუდასტურა ლაზმა.

„აბა ერთს კიდევ გეტყვი, ჭაბუკო, განა ჩემი მოგონილია ის, რაც გითხარი. უფალი ჩვენი მაცხოვარიც ამას ასწავლიდა ხალხს.

უდაბნოში შიმშილობდა თავად, შეგირდებსაც აშიმშილებდა. ისიც ხომ გახსოვს, ჭაბუკო, ხუთი პურითა და შვიდი თევზით რომ დაანაყრა მან ბევრზე ბევრი?

რაკი ქრისტიანი ხარ, ეგეც სწორია, რომ იცოდე, ჭაბუკო: ხალხს სამი რამ უნდა ასწავლოს ერის ყოველმა წინამძღოლმა: შიმშილი, ლოცვა და შრომა, ხოლო რაც შეეხება ომს, ომში აზნაურები წაასხამენ მონებს“...

ტექსტის წყარო: კონსტანტინე გამსახურდია